Welkam blong ol Macfest participants long Port Vila

Ol participants blong namba 7 Melanesian Arts and Culture Festival oli stat kasem finis long Port Vila blong attendim festval ia we bae stat long Wednesday namba 19 go kasem namba 31 blong manis ia.

Chairman blong MACFEST organising committee, Richard Shing hem se ol participants blong Fiji oli kasem Vila finis long wiken, mo hem stap long Bauerfield International Airport long moning tede blong welkamim ol particioants blong New Caledonia.

Hem talem Niusman Hilaire Bule se long aftanum bae ol participants blong Solomon Islands mo Torres aelan long Australia bae kasem Vila, mo ol blong PNG bae kasem later long wik.

Long audio, bae yu harem storian blong niusman Hilaire wetem Richard Shing.

Broadcast 17 Jul 2023